ఏ హీరోకైనా బలం ఒక్కటే ఉంటే సగం మాత్రమే విజయం సాధిస్తాడు. ఆ బలానికి తెలివి కూడా తోడయితే ప్రతి విజయం అతనిదే అవుతుంది. దమ్ము చిత్రంలో యంగ్ టైగర్ ఎన్టీఆర్ పాత్ర ఇలాగే ఉండబోతుంది అంటున్నారు చిత్ర దర్శకుడు బోయపాటి శ్రీను. దమ్ములో ఎన్టీఆర్ పాత్రకి బలంతో పాటు తెలివి ఉంటుంది. శత్రువు బలాన్ని సరిగ్గా అంచనా వేయడం అతని బలం. ఎన్టీఆర్ పాత్ర ప్రేక్షకులను బాగా ఎంటర్టైన్ చేస్తూ చిత్రానికి హైలెట్ అవుతుందంటున్నారు బోయపాటి. ఈ దమ్ములో త్రిషా మెయిన్ హీరొయిన్ గా నటిస్తుండగా సెకండ్ హీరొయిన్ గా కార్తీక నటిస్తుంది. ఎమ్.ఎమ్ కీరవాణి సంగీతం అందిస్తున్నారు. ప్రస్తుతం రామోజీ ఫిలిం సిటీలో యాక్షన్ సన్నివేశాలు చిత్రీకరిస్తున్నారు. దమ్ము చిత్రాన్ని వచ్చే ఏడాది వేసవిలో విడుదలకు సన్నాహాలు చేస్తున్నారు.