యంగ్ టైగర్ ఎన్టీఆర్ ప్రస్తుతం ‘బాద్షా’ సినిమా షూటింగ్లో బిజీగా ఉండగా, మరో కొత్త సినిమాకి రెడీ అవుతున్నాడు. ఇటీవలే గబ్బర్ సింగ్ వంటి బ్లాక్ బస్టర్ హిట్ అందించిన హరీష్ శంకర్ డైరెక్షన్లో ఎన్టీఆర్ నటించడానికి సిద్ధమవుతున్నాడు. ఈ సినిమాకి విజయ దశమి రోజున ముహూర్తం నిర్ణయించారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ సినిమాని నిర్మించనున్నారు. గతంలో ఈ సినిమాకి ఎమ్.ఎల్.ఎ (మంచి లక్షణాలున్న అబ్బాయి) అని వార్తలొచ్చాయి. హరీష్ శంకర్ ఈ సినిమాకి ఎమ్.ఎల్.ఎ అనే టైటిల్ కాదని ధ్రువీకరించారు. ఈ సినిమాలో రాజకీయ అంశాలకు తావివ్వకుండా పూర్తి కమర్షియల్ ఎంటర్టైన్మెంట్ తో ఉంటుందని దిల్ రాజు చెబుతున్నారు. ఈ సినిమాలో హీరొయిన్ ఎవరనేది మిగతా పూర్తి వివరాలు త్వరలో అధికారికంగా తెలియజేయనున్నారు.
