అక్కినేని వంశంలో మూడు తరాల నటులు కలిసి నటించబోతున్న ‘మనం’ సినిమా ప్రారంభతేది ఎట్టకేలకు ఒక కొలిక్కి వచ్చింది. ఈ సినిమా లాంచనంగా జూన్ 7న మొదలుకానుంది. ‘ఇష్క్’ సినిమాతో ఫ్లాపుల ఊబిలో కూరుకుపోయిన నితిన్ కు హిట్ రుచి చూపించిన విక్రమ్ కుమార్ ఈ సినిమాకు దర్శకుడు.నాగార్జున సరసన శ్రియ, నాగ చైతన్య సరసన సమంత కనిపించనున్నారు. నాగార్జున ఈ సినిమాను అన్నపూర్ణ స్టూడియోస్ బ్యానర్ పై నిర్మిస్తున్నారు. ఈ సినిమాకు అనూప్ రూబెన్స్ సంగీతం అందిస్తున్నాడు.