నాచురల్ స్టార్ నాని హీరోగా శ్రీనిధి శెట్టి హీరోయిన్ గా దర్శకుడు శైలేష్ కొలను తెరకెక్కించిన సూపర్ హిట్ చిత్రం “హిట్ 3” కోసం అందరికీ తెలిసిందే. మరి ఎన్నో అంచనాలు నడుమ వచ్చిన ఈ చిత్రం నాని కెరీర్లోనే సాలిడ్ హిట్ గా నిలిచింది. రికార్డు ఓపెనింగ్స్ ని ఈ చిత్రం అందుకోవడమే కాకుండా నాని కెరీర్లో ఫాస్టెస్ట్ 100 కోట్ల గ్రాసర్ గా కూడా నిలిచింది.
ఇక ఈ చిత్రం లేటెస్ట్ గా ఓవర్సీస్ మార్కెట్ లో మొత్తం బ్రేకీవెన్ కొట్టేసినట్టుగా ఇపుడు పీఆర్ లెక్కలు చెబుతున్నాయి. యూఎస్ సహా ఇతర కొన్ని దేశాల్లో మొత్తం 2.4 మిలియన్ డాలర్స్ టార్గెట్ తో రిలీజ్ కి వచ్చిన హిట్ 3 ఇపుడు ఈ మొత్తాన్ని దాటేసినట్టు తెలుస్తుంది. ఆల్రెడీ 2.6 మిలియన్ డాలర్స్ మార్క్ ని క్రాస్ చేసిన ఈ చిత్రం ఇక నుంచి సినిమాని కొన్నవారు అందరికీ లాభాలే అందించనుంది అని చెప్పాలి. ఇక ఈ చిత్రంలో అడివి శేష్, కార్తీలు క్యామియో పాత్రల్లో కనిపించగా మిక్కీ జే మేయర్ సంగీతం అందించిన సంగతి తెలిసిందే.
