నారా రోహిత్ మరియు నిషా అగర్వాల్ నటించిన ‘సోలో’ చిత్రం పాజిటివ్ టాక్ ను సంపాదించుకుంది. ఈ రోజు సాయంత్రం ఈ చిత్ర ప్రివ్యూ హైదరాబాద్ లోని ప్రసాద్ లాబ్స్ లో జరిగింది. ఈ చిత్రంలో నటించిన నారా రోహిత్ మరియు నిషా అగర్వాల్ చిత్ర దర్శకుడు పరుశురాం మరియు నిర్మాత శ్రీనివాస్ ఈ ప్రివ్యూకి హాజరయ్యారు మరియు ఆనంద్ రంగ, చైతన్య దంతులూరి, నందిని రెడ్డి, ప్రవీణ్ శ్రీ వంటి పలువురు దర్శకులు కూడా హాజరయ్యారు. యువత మరియు ఆంజనేయులు చిత్రాల తరువాత పరుశురాం దర్శకత్వం వహించిన మూడవ చిత్రం సోలో. మణిశర్మ సంగీతం అందించగా ఎస్వీకే బ్యానర్ పై వంశీ కృష్ణ శ్రీనివాస్ ఈ చిత్రాన్ని నిర్మించారు. ఈ చిత్రం అన్ని హంగులతో నవంబరు 25 న విడుదలకు సిద్ధమైంది.