శర్వానంద్ నటించిన తెలుగు సినిమా విడుదలై దాదాపుగా సంవత్సరం దాటిపోయింది. శర్వానంద్ స్క్రిప్ట్స్ చాలా జాగ్రత్తగా సెలెక్ట్ చేసుకుంటాడు అనే విషయం తెలిసిందే. అతను నటించిన చివరి సినిమా ‘అందరి బంధువయ’ 2010 లో విడుదలైంది. ఈ సినిమా తరువాత ఎం. శరవణన్ డైరెక్షన్లో వచ్చిన ‘ఎంగేయుం ఎప్పోధం’ (తెలుగులో జర్నీ) ఒక్క సినిమా మాత్రమే చేసారు. ఈ సినిమాని మురుగదాస్ నిర్మించారు. ప్రస్తుతం అల్లరి నరేష్ తో కలిసి ఒక సినిమా చేస్తున్నారు. ఈ సినిమాలో శ్రియ హీరోయిన్ గా చేస్తుంది. ఇది కాకుండా ప్రముఖ డైరెక్టర్ ఇంద్రగంటి మోహనకృష్ణ తో ఒక సినిమా చేయబోతున్నారు అని విశ్వసనీయ వర్గాల సమాచారం. గ్రహణం, అష్టా చెమ్మా, గోల్కొండ హై స్కూల్ వంటి చిత్రాలతో
మంచి డైరెక్టర్ గా నిరూపించుకున్నారు మోహనకృష్ణ. ప్రస్తుతం స్క్రిప్ట్ పనులు జరుపుకుంటున్న ఈ సినిమాకి కళ్యాణి మాలిక్ సంగీతం అందించనుండగా, భాస్కర్ సినిమాటోగ్రాఫర్ గా పని చేయనున్నారు. దీనికి సంబంచిన వివరాలను త్వరలో అధికారికంగా తెలియచేస్తారు.