హీరోయిన్లను ఎంతో అందంగా అందులోనూ పాటల్లో మరింత అందంగా చిత్రీకరించే దర్శకులు అతి కొద్ది మంది మాత్రమే శంకర్ తో సరితూగుతారు అనడంలో అతిశయోక్తి లేదు. ప్రస్తుతం విక్రం, అమీ జాక్సన్ కలసి ‘ఐ’ చిత్రం కోసం శంకర్ పని చేస్తున్నారు. ఈ చిత్రం ‘మనోహరడు’ పేరుతో తెలుగు విడుదల కానుంది.
చెన్నై నుండి వచ్చిన తాజా సమాచారం ప్రకారం ప్రసాద్ లాబ్స్ చెన్నై లో అమీ జాక్సన్ పై ఒక పాట ని చిత్రీకరించడం కోసం శంకర్ ఒక భారి సెట్ ని నిర్మిస్తున్నారు. ఈ పాట చిత్రీకరణ ఈ నెలలో జరగనుంది. అమీ జాక్సన్ ఒక మోడల్ పాత్ర పోషిస్తుండడం తో శంకర్ అమీ రోల్ ని ఒక అల్ట్రా స్టైలిష్ రీతిలో చూపించడానికి ఒక అద్బుతమైన కాన్సెప్ట్ ఉపయోగించనున్నాడని సమాచారం. గతంలో ‘ఎవడు’ లోని -ఒక పాటలో బికినీలో అమీ కనపడింది. ఇప్పుడు ఈ పాటని శంకర్ చిత్రీకరిస్తుండడంతో అమీ జాక్సన్ కెరీర్ లోనే గుర్తుండిపోయే పాట కానుంది.
ఎ.ఆర్.రహమాన్ సంగీతం అందించిన ఈ చిత్రానికి పి.సి. శ్రీరాం ఛాయాగ్రహణం అందించారు. ఆస్కార్ రవి చంద్రన్ నిర్మిస్తున్నారు. ఈ చిత్రం మే ఆఖరి వారంలో కానీ జూన్ మొదట వారం లో కాని విడుదల కానుంది.
