విభిన్నమైన అభిప్రాయాలు కలిగి ఉన్న దర్శకుడు రామ్ గోపాల్ వర్మ మరో కొత్త సినిమా తీయబోతున్నట్లు ప్రకటించారు. గతంలో ‘రామాయణ’ అనే సినిమా తీస్తున్నట్లు చెప్పిన వర్మ ఈ సారి ముంబైలో 26/11 న జరిగిన ముష్కరుల దాడిపై ఒక సినిమా తీయబోతున్నట్లు ప్రకటన చేసారు. అక్కడ జరిగిన ప్రమదాన్నే కాకుండా ఆ ప్రమాదం వెనుక ఉన్న కారణాలని చూపించే ప్రయత్నం చేయబోతున్నట్లు తెలిపారు. కసబ్ మరియు అతని టీం సభ్యులు ముంబైకి ఎలా వచ్చారు అమర్ సింగ్ సోలంకి మరియు ఇతర పోలీసు సిబ్బంది పరిస్థితిని ఎలా కంట్రోల్ చేసారు వంటి అంశాలు చూపించబోతున్నట్లు చెప్పారు. నూతన నటీ నటులతో త్వరలోనే ఈ సినిమా ప్రారంభించాబోతున్నట్లు హిందీ మరియు ఆంగ్ల భాషల్లో తీయబోతున్నట్లు వర్మ చెప్పారు. వర్మ ఈ సినిమానైన
తన సహజ శైలిలో తీస్తారని ఆశిద్దాం. ఎందుకంటే నిజ జీవితంలో జరిగే నేరాలను తెరపై సరిగ్గా చూపించాలంటే వర్మ తర్వాతే ఎవరైనా.