బిజినెస్ మేన్ చిత్ర పోస్ట్ ప్రొడక్షన్ పనులు శరవేగంగా జరుగుతున్నాయి. ఇప్పటికే ఈ సినిమాలోని ఫస్టాఫ్ కి మహేష్ బాబు డబ్బింగ్ చెప్పేసారు. విశ్వసనీయ వర్గాల సమాచారం ప్రకారం మహేష్ చెప్పిన పంచ్ డైలాగులు ప్రేక్షకులను మరియు అభిమానులను ఉర్రూతలూగిస్తాయని సమాచారం. పూరి జగన్నాధ్ ప్రత్యేక శ్రద్ధ తీసుకుని పోకిరి సినిమా రేంజ్ లో డైలాగులు ఉండేలా రాసారని సమాచారం. తమన్ సంగీతం అందించిన ఈ చిత్ర ఆడియో ఈ నెల 22న శిల్ప కళా వేదికలో జరగనుంది. కాజల్ హీరోయిన్ గా నటిస్తున్న ఈ చిత్రాన్ని ఆర్ఆర్ మూవీ మేకర్స్ బ్యానర్ పై
డాక్టర్ వెంకట్ నిర్మిస్తున్నారు. బిజినెస్ మేన్ చిత్రాన్ని జనవరి 11న విడుదల చేయడానికి సన్నాహాలు చేస్తున్నారు.