ప్రముఖ సంగీత దర్శకుడు కోటి పెద్ద కొడుకు రాజీవ్ ప్రస్తుతం చాలా ఆనందంగా వున్నాడు . రాజీవ్ ‘నోట్ బుక్’ సినిమాతో తెలుగు సినిమా పరిశ్రమకు పరిచయం అయ్యాడు. ఆ తరువాత ‘ఆకాశమే హద్దు’ సినిమాలో నవదీప్ కలిసి నటించాడు. ప్రస్తుతం తను ‘లవ్ యు బంగారం’ సినిమా షూటింగ్ పాల్గొంటున్నాడు. ఈ సినిమాని డైరెక్టర్ మారుతీ నిర్మిస్తున్నాడు. రాజీవ్ ఈ మద్య మరో రెండు సినిమాలను కూడా ఒప్పుకున్నాడని సమాచారం. ఇందులో మొదటి సినిమాని ఆర్. పీ ప్రొడక్షన్స్ బ్యానర్ పై ఎస్. శ్రీరాములు, కె. సుధాకర్ రెడ్డి నిర్మిస్తున్నాడు. ఈ సినిమాని డైరెక్షన్ లో 10 సంవత్సరాల అనుభవం గల చందా గోవింద్ రెడ్డి దర్శకత్వం వహిస్తున్నాడు. ఈ సినిమాకు సంబందించిన టైటిల్ ని, నటి నటుల వివరాలను త్వరలో తెలియజేసే అవకాశం వుంది. మరొక సినిమాకు సంబందించిన ముహూర్తం కార్యక్రమాలు ఈ మద్యనే జరిగాయి. ఈ సినిమాని ఎన్.ఆర్.ఐ శ్రీరామ్ వేగి రాజు దర్శకత్వం వహిస్తున్నాడు. తను తీసిన ‘డిస్టెన్స్ బీట్స్’ సినిమాకి లోస్ ఏంజెల్స్ ఫిలిం ఫెస్టివెల్ లో అవార్డ్ కూడా వచ్చింది. ఈ సినిమా సోషియో ఫాంటసీ కామెడీ సినిమా గా తెరకెక్కుతోందని సమాచారం. ఈ సినిమాని పి.రవి శంకర్ చేసింగ్ డ్రీం ప్రొడక్షన్ బ్యానర్ పై నిర్మిస్తున్నాడు.