మెగాస్టార్ చిరంజీవి గారు నాకు డాన్సులో ప్రేరణ అంటున్నాడు కామెడీ హీరో సునీల్. మంచి ప్రతిభ ఉన్న ఈ నటుడు త్వరలోనే రాబోతున్న యాక్షన్ ఎంటర్టైనర్ లో యాక్షన్ హీరోగా కనిపించే ప్రయత్నం చేయబోతున్నాడు. ఈ చిత్రంలో సునీల్ డాన్సులు కూడా బాగా చేసాడని యూనిట్ వర్గాలు చెబుతున్నాయి. తన గత చిత్రాలు ‘మర్యాద రామన్న’, ‘అందాల రాముడు’ కంటే డాన్సులు బాగా చేసినట్లు సునీల్ అంటున్నాడు. చిరంజీవి గారిది ఒరిజినల్ డాన్సు అనీ మేము ఆయనకీ నకలు లాంటి వాళ్ళమని అన్నారు. పూలరంగడు చిత్రానికి కథ, స్క్రీన్ప్లే, దర్శకత్వం వీరభద్రం కాగా కె. అచ్చిరెడ్డి నిర్మాత. సునీల్ కి జోడీగా ఇషా చావ్లా హీరొయిన్ గా నటిస్తుంది.