మహేష్ బాబు హీరోగా నటిస్తున్న ‘బిజినెస్ మేన్’ ఈ నెల 13 న భారీగా విడుదలకు సిద్ధమవుతుంది. ఈ పోస్ట్ ప్రొడక్షన్ పనులు చివరి దశకు చేరుకున్నాయి. ప్రస్తుతం తమన్ డీటీఎస్ మిక్సింగ్ లో పాల్గొంటున్నారు. ఈ రోజు చిత్రం కోసం ఆయన పని చేసే చివరి రోజు. పూరి జగన్నాధ్ డైరెక్ట్ చేసిన ఈ చిత్రంలో మహేష్ బాబు మరియు కాజల్ అగర్వాల్ నటిస్తున్నారు. ముంబై కి వచ్చి అండర్ వరల్డ్ కి భాయి కావాలనుకునే యువకుడి కథే ఈ బిజినెస్ మేన్ తమన్ సంగీతం అందించిన ఈ చిత్ర పాటలు ప్రేక్షకులను ఉర్రూతలూగిస్తున్నాయి. ఆర్.ఆర్ మూవీ మేకర్స్ బ్యానర్ పై వెంకట్ ఈ చిత్రాన్ని నిర్మిస్తున్నారు.