నిన్న లఢక్ లోని గాల్వన్ వ్యాలీ ప్రాంతంలో ఇండియా మరియు చైనా సైనికుల మధ్య ఉద్రిక్త వాతావరణం చోటు చేసుకుంది. బోర్డర్ వివాదంలో చైనా మరియు ఇండియా సైనికులు పరస్పరం దాడికి దిగడం జరిగింది. ఈ దాడిలో భారత సైన్యానికి చెందిన కల్నల్ సంతోష్ బాబు సహా 20మంది సైనికులు ప్రాణాలు వదిలారు. ఈ నేపథ్యంలో దేశవ్యాప్తంగా ఆ వీర సైనికుల త్యాగాలను ప్రజలు కొనియాడుతున్నారు. వారి కుటుంబాలకు సానుభూతి తెలుపుతున్నారు.
కాగా హీరో మహేష్ ఈ పోరులో సైనికులు ప్రాణాలు కోల్పోయినందుకు విచారం వ్యక్తం చేశారు. మీరు ఎప్పటికీ మా గుండెల్లో ఉంటారన్న మహేష్, మీ త్యాగానికి, దేశభక్తికి మా సెల్యూట్ అని చెప్పారు. ఆ సైనికుల కుటుంబాలకు ధైర్యం ప్రసాదించాలని కోరుకున్నారు. ఇక మహేష్ గత చిత్రం సరిలేరు నీకెవ్వరు మూవీలో మహేష్ అజయ్ కృష్ణ అనే ఆర్మీ మేజర్ రోల్ చేశారు.
Deeply disturbed and saddened to learn that our soldiers were martyred at #GalwanValley. Your sacrifice for the nation will forever be etched in our hearts. We salute your bravery and patriotism. My heartfelt condolences to the bereaved families. Jai Hind
— Mahesh Babu (@urstrulyMahesh) June 17, 2020
