2014లో సినీ అభిమానులు ఎంతగానో ఎదురు చూస్తున్న సినిమాల్లో మహేష్ బాబు హీరోగా నటించిన ‘1-నేనొక్కడినే’ సినిమా కూడా ఒకటి. ఇప్పటికే ఈ సినిమాకి సంబందించిన రెండు యాక్షన్ టీజర్స్ ని రిలీజ్ చేసారు. ఆ టీజర్స్ అప్పట్లో యు ట్యూబ్ లో సెన్సేషన్ క్రియేట్ చేసాయి. ఈ సినిమా ఆడియో కోసం మహేష్ అభిమానులు ఎంతగానో ఎదురు చూస్తున్నారు.
మరో నాలుగు రోజుల్లో ఈ సినిమా ఆడియో విడుదల కార్యక్రమం ఘనంగా జరగనుంది. ఈ సందర్భంగా ఆడియో వేడుకకి సంబందించి ఓ మైక్రో ఆడియో టీజర్ ని ఈ రోజు సాయంత్రం రిలీజ్ చేసారు. ప్రస్తుతం ఇది ఇంటర్నెట్ లో సెన్సేషన్ క్రియేట్ చేస్తోంది. ఈ టీజర్ లో రాక్ స్టార్ గా మహేష్ బాబు ఎనర్జీ చూసి అభిమానులు థ్రిల్ అయ్యారు. అలాగే ఈ టీజర్ ప్రతి ఒక్కరిని అమితంగా ఆకట్టుకుంటోంది. దేవీశ్రీ ప్రసాద్ కంపోజ్ చేసిన ఈ చిత్ర ఆడియోని డిసెంబర్ 19న రిలీజ్ చేయనున్నారు.
సుకుమార్ డైరెక్ట్ చేస్తున్న ఈ సినిమా షూటింగ్ దాదాపు పూర్తయ్యింది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్న ఈ సినిమా సంక్రాంతి కానుకగా జనవరి 10న ప్రేక్షకుల ముందుకు రానుంది. కృతి సనన్ హీరోయిన్ గా నటిస్తున్న ఈ సినిమాని 14 రీల్స్ ఎంటర్టైన్మెంట్ వారు నిర్మిస్తున్నారు.
