సిద్ధార్థ్ మరియు అమలా పాల్ నటించిన రొమాంటిక్ లవ్ స్టొరీ ‘లవ్ ఫెయిల్యూర్’ చిత్రం ఇటీవలే 100 రోజులు పూర్తి చేసుకుంది. తమిళంలో ‘కాధలిల్ సోదప్పవదు ఎప్పడి’ సినిమాని తెలుగులో లవ్ ఫెయిల్యూర్ పేరుతో విడుదల చేసిన విషయం తెలిసిందే. 5 కోట్ల రూపాయల తక్కువ బడ్జెట్ తో తెరకెక్కిన ఈ చిత్రం తెలుగు మరియు తమిళ భాషల్లో కలిపి 13 కోట్లు వసూలు చేసి అందరినీ ఆశ్చర్యపరిచింది. బాలాజీ మోహన్ డైరెక్షన్లో ఈ చిత్రాన్ని ఇతకి ఎంటర్టైన్మెంట్ మరియు వై నాట్ బ్యానర్ పై సిద్ధార్థ్ మరియు నిరవ్ షా ఈ చిత్రాన్ని నిర్మించారు. తమన్ సంగీతం అందించిన లవ్ ఫెయిల్యూర్ చిత్రానికి నిరవ్ షా సినిమాటోగ్రఫీ అందించారు.
