గుణశేఖర్ దర్శకత్వంలో విఘ్నేశ్‌ గవిరెడ్డి హీరోగా రాబోతున్న సినిమా ‘యుఫోరియా’. రాగిణి గుణ సమర్పణలో నీలిమ గుణ నిర్మించారు. ఈ సినిమా త్వరలో ప్రేక్షకుల ముందుకు రాబోతుంది. ఐతే, ఈ సినిమాలో దాదాపు 10 నిమిషాల పాటు విఎఫ్ఎక్స్ ఉంటాయని.. పైగా గ్రాఫిక్స్ అన్ని భారీ స్థాయిలో ఉంటాయని తెలుస్తోంది. గ్రాఫిక్స్ కోసం గుణశేఖర్ ప్రత్యేకంగా ఓ టీమ్ ను ఏర్పాటు చేసుకున్నారట. ముఖ్యంగా నేటి యువత అలవాట్లు పై వచ్చే విజువల్ సాంగ్ సినిమాలోనే హైలైట్ గా ఉంటుందట.
కాగా ఈ సినిమా పక్కా యూత్‌ఫుల్ ఎంటర్‌టైనర్ గా ఉండబోతుంది. మొత్తానికి గుణశేఖర్ రాసిన స్క్రిప్ట్ చాలా కొత్తగా ఉండబోతుందని.. గుణశేఖర్ లో కొత్త కోణాన్ని చూస్తారని.. అలాగే ప్రధానంగా నేటి యువత తాలూకు ఎమోషన్స్ ను చాలా బాగా చూపించబోతున్నారని తెలుస్తోంది. కాబట్టి.. ఈ సినిమా సూపర్ హిట్ అవుతుందని అంచనాలు ఉన్నాయి. అలాగే, అందరికీ కనెక్ట్‌ అయ్యే మంచి సందేశం కూడా ఉంది. ఈ సినిమాతో దాదాపు 20మంది కొత్తవాళ్లు తెరకు పరిచయం కానున్నారు. కాగా ఈ చిత్రం కుటుంబ సమేతంగా చూడదగ్గట్లుగా ఉంటుందట.
