నటసింహం బాలయ్య – బోయపాటి శ్రీను కాంబినేషన్లో వచ్చిన ‘అఖండ’ చిత్రం అద్భుత విజయాన్ని సాధించింది. దీంతో, ‘అఖండ 2 – తాండవం’ పై భారీ అంచనాలు నెలకొన్నాయి. ఈ సినిమాలో సంయుక్త కథానాయికగా కనిపించనున్నారు. కాగా ప్రస్తుతం ఈ సినిమా ‘సీజీ మరియు విఎఫ్ ఎక్స్’ వర్క్ జరుగుతుంది. ఐతే, తాజాగా వినిపిస్తున్న టాక్ ప్రకారం ఈ సినిమాలో ఓ స్పెషల్ గెస్ట్ రోల్ ఉందని.. ఈ పాత్రలో ఓ యంగ్ హీరో కనిపిస్తాడని తెలుస్తోంది. క్లైమాక్స్ లో వచ్చే ఈ పాత్ర చుట్టూ ఓ యాక్షన్ సీక్వెన్స్ కూడా నడుస్తోందని టాక్ నడుస్తోంది.
కాగా ప్రస్తుతం పోస్ట్‌ ప్రొడక్షన్‌ వర్క్ శరవేగంగా జరుగుతోంది. తమన్‌ స్వరాలు అందిస్తోన్న ఈ సినిమా ఈ ఏడాది ప్రపంచవ్యాప్తంగా విడుదల కానున్నట్లు చిత్రబృందం ఇప్పటికే స్పష్టం చేసింది. అన్నట్టు ఇప్పటికే, విడుదలైన ఈ సినిమా టీజర్‌ ట్రెండ్‌ సృష్టించిన విషయం తెలిసిందే. అఖండ 2 – తాండవం’ పై రెట్టింపు అంచనాలు ఉన్నాయి. కాగా ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు.
