సెన్సేషనల్ స్టార్ విజయ్ దేవరకొండ హీరోగా భాగ్యశ్రీ బోర్సే హీరోయిన్ గా దర్శకుడు గౌతమ్ తిన్ననూరి తెరకెక్కించిన అవైటెడ్ చిత్రమే “కింగ్డమ్”. గట్టి హైప్ నడుమ రిలీజ్ కి వచ్చిన ఈ చిత్రం అదే రీతిలో అదిరే బుకింగ్స్ ని కూడా నమోదు చేసింది. ఇలా గత 24 గంటల్లో బుక్ మై షో యాప్ లో 2 లక్షలకి పైగా టికెట్స్ ని బుక్ చేసుకొని ఒక సాలిడ్ ఓపెనింగ్ కి నాంది పలికింది.
మొదటి నుంచీ మంచి హైప్ లో ఉన్న కింగ్డమ్ బుకింగ్ మొదలు కావడంతోనే ప్రతీ గంటకి సాలిడ్ బుకింగ్స్ తో ట్రెండ్ అయ్యింది. ఇలా గత 24 గంటల్లో మొత్తం 2 లక్షల 21 వేలకి పైగా టికెట్స్ తో దుమ్ము లేపింది అని చెప్పాలి. ఇక ఈ సినిమాలో సత్యదేవ్ తదితరులు కీలక పాత్రల్లో నటించగా అనిరుద్ సంగీతం అందించాడు. అలాగే ఈ సితార ఎంటర్టైన్మెంట్స్, ఫార్చూన్ ఫోర్ సినిమాస్ వారు నిర్మాణం వహించారు.