టాలెంటెడ్ డైరెక్టర్ తేజ దర్శకత్వంలో రూపొందనున్న సినిమా ‘అలిమేలుమంగ వేంకటరమణ’. యాక్షన్ హీరో గోపీచంద్‌ హీరోగా వస్తోన్న ఈ సినిమాలో అలిమేలు మంగ పాత్ర చాల కీలకమైనది. అయితే ఇంతకీ అలిమేలు మంగ పాత్రలో ఎవరు నటిస్తున్నారని గత కొన్ని రోజులుగా అనేక రూమర్స్ వస్తున్నాయి. కాగా తాజాగా సినీ వర్గాల సమాచారం ప్రకారం అలిమేలు మంగగా టాలెంటెడ్ హీరోయిన్ కీర్తి సురేష్ ను ఫైనల్ చేసే అవకాశం ఉందని తెలుస్తోంది.
నిజానికి ఇప్పటికే స్టార్ హీరోయిన్ల పేర్లని కూడా తేజ పరిశీలించారు. వారిలో ముఖ్యంగా కాజల్, అనుష్కలో ఒకర్ని హీరోయిన్ గా తీసుకోవాలనుకున్నారు. కానీ కాజల్, అనుష్క ఖాళీగా ఉండాలి. బల్క్ డేట్స్ ఇచ్చే పరిస్థితి ఉండాలి. ప్రస్తుతం కాజల్ చేతిలో ‘మోసగాళ్లు’, ‘ఆచార్య’, ‘ముంబయి సాగా’, ‘భారతీయుడు2’తో పాటు మరో బాలీవుడ్‌ సినిమా కూడా ఉంది. అనుష్క కూడా వచ్చిన సినిమాలన్నీ అంగీకరించట్లేదు. దాంతో తేజ, కీర్తి సురేష్ ను ఫైనల్ చేసే ఆలోచనలో ఉన్నాడట.
