ప్రభాస్ కి జంటగా దీపికా పదుకొనె.

రాధే శ్యామ్ అప్డేట్ ఎవరూ ఊహించని విధంగా విడుదల చేసి ఫాన్స్ మరియు సినీప్రేమికులను సర్ప్రైజ్ చేసిన ప్రభాస్ మరో షాకింగ్ అప్డేట్ సిద్ధం చేశాడు. ఎటువంటి ముందస్తు సమాచారం లేకుండా..గత రాత్రి ప్రభాస్ 21 నిర్మాతలు నేడు ఈ మూవీ నుండి అప్డేట్ ఇస్తున్నట్లు ప్రకటించారు. దీనితో ఫ్యాన్స్ ప్రభాస్ 21 మూవీ నుండి రాబోయే ఆ అప్డేట్ ఏమై ఉంటుందా అని ఆసక్తిగా ఎదురుచూస్తున్నారు.

కాగా ప్రభాస్ 21లో హీరోయిన్ గా దీపికా పదుకొనె ను తీసుకుంటున్నట్లు నిర్మాతలు తెలియజేశారు. ఈ విషయంపై ఎప్పటి నుండో వార్తలు వస్తుండగా నేడు అధికారిక ప్రకటన రావడం జరిగింది. దర్శకుడు నాగ్ అశ్విన్ తెరకెక్కిస్తున్న ఈ మూవీ 500 కోట్ల భారీ బడ్జెట్ తో తెరకెక్కనుంది. సీనియర్ నిర్మాత అశ్వినీ దత్ నిర్మిస్తుండగా..ఈ ఏడాది చివర్లో సెట్స్ పైకి వెళ్లనుంది. 2022 లో ఈ మూవీ విడుదల చేయనున్నట్లు నిర్మాతలు గతంలో వెల్లడించడం జరిగింది.