కరోనా కారణంగా రాబోయి అన్ని సినిమాల షూటింగ్స్ అండ్ పోస్ట్ ప్రొడక్షన్ వర్క్స్ అన్ని పోస్ట్ ఫోన్ అయిన సంగతి తెలిసిందే. ఈ క్రమంలో తమిళనాట అభిమాన దివంగత ముఖ్యమంత్రి అమ్మ ‘జయలలిత’ జీవితం ఆధారంగా ‘ఏ ఎల్ విజయ్’ దర్శకత్వంలో రానున్న ‘తలైవి’ బయోపిక్ కూడా ప్రస్తుతం ఆగిపోయింది. అయితే ఈ సినిమాలో శోభన్ బాబు పాత్ర గురించి ఒక ఇంట్రస్టింగ్ అప్ డేట్ తెలిసింది. తెలుగు ప్రేక్షకులకు శోభన్ బాబు అంటే ప్రత్యేకమెన అభిమానం. ఆయన పాత్ర ఈ బయోపిక్ లో ఉందనే మొదటినుండి ఈ సినిమా పై ఆసక్తి చూపిస్తున్నారు. ఇంతకి విషయంలోకి వెళ్తే.. శోభన్ బాబు – జయలలిత మధ్య అనుబంధం పై వచ్చిన రూమర్స్ లో వాస్తవం ఎంత.. వారి మధ్య నిజంగానే ప్రేమ ఉందా.. ఏ కారణాల చేత వాళ్ళు పూర్తిగా దూరం అవ్వాల్సి వచ్చింది..అనే అంశాలను ఈ బయోపిక్ లో చూపించనున్నారు.
ఇక జయలలిత పాత్రలో బోల్డ్ బ్యూటీ కంగనా రనౌత్ నటిస్తోంది. ఇప్పటికే ఈ బయోపిక్ కోసం ప్రత్యేకంగా తమిళం కూడా నేర్చుకుంటుందట ఈ బాలీవుడ్ క్వీన్.
అన్నట్టు ఈ సినిమాలో రాజకీయంగా జయలలిత పై జరిగిన కుట్రలు, అసెంబ్లీలో ఆమె పై జరిగిన దాడుల్లో అప్పటి ముఖ్యమంత్రి కరుణానిధి పాత్ర ఎంత ఉంది లాంటి అంశాలను ఈ సినిమాలో చూపించబోతున్నట్లు తెలుస్తోంది. అదేవిధంగా జయలలిత జీవితంలోని ముఖ్యమైన ఘట్టాలతో పాటు ఆమె ఆలోచనా విధానాన్ని కూడా సినిమాలో హైలెట్ చేస్తూ స్క్రీన్ ప్లే సాగుతుందట. మొత్తానికి అమ్మ బయోపిక్ లో ఆమె జీవితంలోని ఎవ్వరికీ తెలియని విషయాలు కూడా తెలియనున్నాయి.