యువతరం హీరో సిద్ధార్థ్ తను ఎన్నో సార్లు ప్రేమలో ఫెయిలయ్యానన్నాడు. అందుకే నేను ‘లవ్ ఫేల్యూర్’ సినిమాలో బాగా నాటించగలిగాను అన్నాడు. సిద్ధార్థ్ తాజాగా లవ్ ఫేల్యూర్ సినిమాలో నటిస్తున్న విషయం. తెలిసిందే. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం ఫిబ్రవరి 17న విడుదలకు సిద్ధమవుతుంది. ఈ చిత్ర ఆడియో ఇటీవలే ప్రసాద్ మల్టిప్లెక్స్ థియేటర్లో విడుదలైంది. సిద్ధార్థ్ నిర్మాతగా చేయబోతున్న మొదటి చిత్రం ఇదే కావడం విశేషం. అమలా పాల్ హీరోయిన్ గా నటించగా తమన్ సంగీతం అందించారు. లవ్ ఫేల్యూర్ చిత్ర ఆంధ్రప్రదేశ్ పంపిణీ హక్కులు దిల్ రాజు దక్కించుకున్నారు. బాలాజీ మోహన్ కూడా ఈ చిత్రంతో దర్శకుడిగా పరిచయం కాబోతున్నారు. ఈ చిత్ర అవుట్ పుట్ చూసాక చిత్రం పై సిద్ధార్థ్ చాలా నమ్మకంగా ఉన్నారు.