డైరెక్టర్ అనిల్ రావిపూడికి ఈ జనరేషన్ డైరెక్టర్స్ లో డీసెంట్ కామెడీని బాగా హ్యాండిల్ చేస్తాడు అనే మంచి నేమ్ ఉంది. తెర పైన కామెడీను తీసుకురావడంలో ప్రత్యేకమైన గుర్తింపు తెచ్చుకుని.. తనదైన మార్క్ టైమింగ్ తో, తన మార్క్ డైలాగ్ లతో, వరుస విజయాలను అందుకుంటున్నాడు. కాగా తాజాగా సినీ వర్గాల సమాచారం ఎనర్జిటిక్ స్టార్ రామ్ సినిమా చేయమని, రావిపూడితో సంప్రదింపులు జరిపినట్లు తెలుస్తోంది. అనిల్ రైటర్ గా ఉన్నప్పటి నుండి రామ్ తో మంచి అనుబంధం ఉంది. వచ్చే ఏడాది చివర్లో రామ్ – అనిల్ రావిపూడి కలయికలో సినిమా వచ్చే అవకాశం ఉందట.
ఇక ఈ సినిమా కూడా అనిల్ సినిమాల శైలిలోనే ఫుల్ ఎంటర్ టైనర్ గా ఉండనుంది. మొత్తానికి కమర్షియల్ ఫార్ములాను ఫాలో అయ్యే దర్శకుల్లో ఫన్ మీద ఎక్కువగా దృష్టిపెట్టే డైరెక్టర్ అనిల్ కావడంతో ఆయనకు డిమాండ్ బాగా పెరిగింది. చిన్న హీరోల దగ్గర్నుండి స్టార్ హీరోల వరకు అందరూ ఆయనతో వర్క్ చేయడానికి సిద్దంగా ఉన్నారు. కాగా ఈ యంగ్ టాలెంటెడ్ డైరెక్టర్ ప్రస్తుతం వెంకటేష్, వరుణ్ తేజ్ తో కలిసి ‘ఎఫ్ 3’ సినిమా చేస్తున్నాడు. కరోనా లేకపోయి ఉంటే, ఈ పాటికే బిజీ షెడ్యూల్స్ తో వరుసగా షూటింగ్ జరుపుకుంటూ ఉండేది ఈ సినిమా. కరోనా దెబ్బకు ఈ సినిమా మరో ఏడాదికి పోస్ట్ ఫోన్ అయిపోయింది.