తమిళ పరిశ్రమలో అడుగు పెట్టినప్పటి నుండి హన్సిక వరుస విజయాలను సొంతం చేసుకుంది. గత సంవత్సరం వేలాయుధం చిత్రంలో విజయ్ సరసన నటించిన ఈ భామ ఆ చిత్రం భారీ విజయం సాధించడంతో మరో రెండు భారీ చిత్రాలను సొంతం చేసుకుంది. సూర్య సరసన “సింగం-2” మరియు శింభు సరసన “వెట్టై మన్నన్” చిత్రాలలో నటిస్తుంది. ఇలా వరుసగా భారీ చిత్రాలు చేస్తుండడంతో ప్రేక్షకుల నోట్లో తన పేరు మారుమ్రోగుతుంది. తాజా సమాచారం ప్రకారం తమిళంలో రిమేక్ కాబోతున్న డిల్లి బెల్లి చిత్రంలో హన్సిక నటించబోతున్నట్టు తెలుస్తుంది. అలానే తెలుగులో బెల్లంకొండ సురేష్ చెయ్యబోతున్న చిత్రంలో నటిస్తున్నట్టు పరిశ్ర్రమ వర్ర్గాలు చెబుతున్నాయి ప్రస్తుతం ఈ భామ మంచు విష్ణు సరసన నటిస్తున్నారు. ఇవన్ని కలిపితే ప్రస్తుతం ఈ భామ చేతిలో ఏడు చిత్రాలు ఉన్నాయి. దక్షణాదిన బిజీ తార అయిపొయింది. హన్సిక ఆనందంలో మునిగి తేలుతుందని ప్రత్యేకంగా చెప్పనవసరం లేదు.