తలపతి విజయ్ నుండి వస్తున్న మరో క్రేజీ మూవీ మాస్టర్. టాలెంటెడ్ డైరెక్టర్ కార్తీక్ కనకరాజ్ తెరకెక్కిస్తున్న ఈ యాక్షన్ ఎంటర్టైనర్ పై భారీ అంచనాలున్నాయి. చెన్నై వేదికగా నిన్న ఈ మూవీ ఆడియో వేడుక ఘనంగా జరిగింది. ఈ కార్యక్రమంలో దర్శకుడు కనకరాజ్ స్పీచ్ ఆసక్తికరంగా సాగింది. చిత్ర విజయం ఫై గట్టి కాన్ఫిడెన్స్ వ్యక్తం చేసిన ఆయన ఈ సినిమాలో మీరు ఓ కొత్త విజయ్ ని చూస్తారంటూ అంచనాలు పెంచేశారు.
విజయ్ ఈ మూవీలో కాలేజ్ లెక్చరర్ గా, మాఫియా నేపథ్యం కలిగిన వ్యక్తిగా రెండు భిన్న షేడ్స్ లో కనిపిస్తాడని తెలుస్తుంది. ఈ మూవీలో విజయ్ సేతుపతి విలన్ రోల్ చేయడం మరో విశేషం. తెరపై వీరి మధ్య పోరు ఆసక్తికరంగా సాగడం ఖాయం అని వినిపిస్తుంది. మాస్టర్ మూవీ తెలుగు మరియు తమిళ భాషలలో విడుదల కానుండగా అనిరుధ్ సంగీతం అందించారు.
