తమిళ సూపర్ స్టార్ రజినీకాంత్ నటించిన ‘కూలీ’ చిత్రం ఇప్పటికే షూటింగ్ పనులు ముగించుకుని పోస్ట్ ప్రొడక్షన్ పనుల్లో బిజీగా ఉంది. ఈ సినిమాను దర్శకుడు లోకేశ్ కనగరాజ్ డైరెక్ట్ చేయగా ఆగస్టు 14న ఈ చిత్రం రిలీజ్‌కు రెడీ అవుతుంది. ఇక ఈ సినిమా రిలీజ్ కాకముందే, రజినీ తన నెక్స్ట్ చిత్రం ‘జైలర్ 2’ చిత్ర షూటింగ్‌ను ప్రారంభించాడు.
దర్శకుడు నెల్సన్ దిలీప్ డైరెక్ట్ చేస్తున్న ఈ బ్లాక్‌బస్టర్ సీక్వెల్ మూవీకి సంబంధించి ఇప్పుడో ఇంట్రెస్టింగ్ వార్త కోలీవుడ్ మీడియాలో చక్కర్లు కొడుతోంది. ఈ సినిమాలో విలన్ పాత్ర కోసం టాలీవుడ్ కింగ్ అక్కినేని నాగార్జునను మేకర్స్ అప్రోచ్ అయినట్లు తెలుస్తోంది. ఇప్పటికే రజనీతో కలిసి ‘కూలీ’లో నాగ్ నటించాడు. దీంతో జైలర్ 2 కోసం ఆయనను విలన్ పాత్ర కోసం మేకర్స్ సంప్రదిస్తున్నారట.
అయితే, నాగ్ తన నిర్ణయాన్ని ఇంకా వెల్లడించలేదని తెలుస్తోంది. ఏదేమైనా నాగ్ తమిళ సూపర్ స్టార్ సినిమాలో విలన్‌గా నటిస్తాడనే వార్త తమిళ మీడియాల్లో తెగ చక్కర్లు కొడుతోంది.
