తను నటించిన ‘వెన్నెల’ చిత్రాన్నే తన ఇంటి పేరుగా మార్చుకున్న కమెడియన్ వెన్నెల కిషోర్ ఈ చిత్రానికి సీక్వెల్ తీయబోతున్న విషయం తెలిసిందే. ‘వెన్నెల వన్ అండ్ హాఫ్’ గా రాబోతున్న ఈ చిత్రంతో వెన్నెల కిషోర్ దర్శకుడిగా పరిచయం కాబోతున్నాడు. షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనులు జరుపుకుంటుంది. సునీల్ కశ్యప్ సంగీతం అందించిన ఈ చిత్ర ఆడియో ఫిబ్రవరి ప్రధమార్ధంలో విడుదల చేయబోతున్నారు. సినిమా ఫెబ్రవరి నెలాఖరులో విడుదల చేయడానికి సన్నాహాలు చేస్తున్నారు. ఈ చిత్రానికి ఈ టైటిల్ ఎందుకు పెట్టామన్నది సినిమా చూస్తే మీకే తెలుస్తుంది అని దర్శకుడు కిషోర్ అన్నారు. బ్రహ్మానందం పాత్ర ఈ సినిమాకి హైలెట్ అవుతుందని కూడా అన్నారు. ఆయన పాత్ర ప్రేక్షకులని కడుపుబ్బా నవ్విస్తుందని అన్నారు. ఈ చిత్రాన్ని వాసు మరియు వర్మ సంయుక్తంగా నిర్మిస్తున్నారు.