ఎక్కడైనా ఎప్పుడైనా సరే హెల్థీ పోటీతత్వం అనేది చాలా ముఖ్యం. అలా ఉంటేనే ఇతర ఇండస్ట్రీ సినిమాలు ఎక్కడైనా ఇమడగలవు. ఇప్పటికే తెలుగు సినిమాల మార్కెట్ ఇతర ఇండస్ట్రీలతో పోలిస్తే కాస్త ఎక్కువ గానే ఉందని చెప్పాలి. ముఖ్యంగా బాలీవుడ్ లో సినిమాలు సత్తా చాటుతున్నాయి. డార్లింగ్ హీరో ప్రభాస్ ఇప్పటికే అక్కడ కూడా స్టార్ హీరో రేంజ్ స్టార్డం తెచ్చుకున్నాడు.
ఇక ఇప్పుడు అక్కడకు గ్రాండ్ ఎంట్రీ ఇచ్చేందుకు రెడీగా ఉన్న మరో స్టార్ హీరో స్టైలిష్ స్టార్ అల్లు అర్జున్. బాలీవుడ్ జనానికి అల్లు అర్జున్ ఎప్పుడో దగ్గరయ్యాడు కానీ డైరెక్ట్ సిల్వర్ స్క్రీన్ పై సినిమాతో పలకరించేందుకు సమయం కావాల్సి వచ్చింది. ఇప్పుడు ఫైనల్ గా సుకుమార్ తో తీస్తున్న “పుష్ప” తో అక్కడ ఎంట్రీ ఇచ్చేందుకు రెడీ అవుతున్నారు. అయితే బన్నీకు అక్కడ ఎలాంటి వెల్కమ్ అందుతుంది అన్నది అసలు ప్రశ్న.
కేవలం యూట్యూబ్ లో రికార్డు స్థాయి మిలియన్ వ్యూస్ వచ్చినంత మాత్రాన అంతా థియేటర్స్ వరకు వచ్చే జనం అని చెప్పలేము. కానీ అల్లు అర్జున్ కు అక్కడ అంతకు మించిన క్రేజే ఉందని చెప్పాలి.ఈ మధ్యనే బాలీవుడ్ లో బన్నీ పేరు మరింత స్థాయిలో వినిపిస్తుంది. ఇక ఇవన్నీ చూస్తుంటే బన్నీ ఎప్పుడు అక్కడ అడుగు పెట్టినా గ్రాండ్ వెల్కమ్ తప్పనిసరి అని చెప్పాలి. మరి బాలీవుడ్ జనం బన్నీకు ఎలాంటి వెల్కమ్ అందిస్తారో చూడాలి.
