కరోనా వైరస్ ప్రభావం చిత్ర పరిశ్రమను కోలుకోలేని దెబ్బ తీస్తుంది. దీని వ్యాప్తిని ఆర్టికట్టేందుకు ప్రభుత్వాలు విద్యా సంస్థలు, సినిమా థియేటర్స్ కి బంధు ప్రకటించాయి.ఇక నాని హీరోగా తెరకెక్కిన ‘వి’ మూవీ వాయిదాపడింది. ఉగాది కానుకగా ఈనెల 25న రావాల్సిన ఈ చిత్ర విడుదల వాయిదావేస్తున్నట్లు నేడు నిర్మాతలు ప్రకటించారు. అలాగే జూన్ లేదా జులై లో రావాల్సిన కెజిఎఫ్ కూడా ఏకంగా అక్టోబర్ కి వాయిదా వేయడం జరిగింది. ఈ పరిస్థితులలో పవన్ సినిమా వకీల్ సాబ్ కూడా వాయిదాపడే అవకాశం కలదు.
కాగా అల్లు అర్జున్-సుకుమార్ మూవీ షూటింగ్ కూడా బ్రేక్ పడినట్లు తెలుస్తుంది. కొద్దిరోజులల్లో కేరళలో ఈ మూవీ సెకండ్ షెడ్యూల్ మొదలుకావాల్సివుండగా కేరళ ప్రభుత్వం నుండి అనుమతులు రావడం కష్టంగా ఉంది. కేరళలో ఈ వైరస్ ప్రభావం ఎక్కువగా ఉంది. దీనితో చిత్ర యూనిట్ సైతం అక్కడ షూటింగ్ జరపడానికి సుముఖత వ్యక్తం చేయడం లేదు. కాబట్టి కొద్దిరోజులు ఈ చిత్ర షూటింగ్ కి బ్రేక్ పడే అవకాశం కలదు.