పెద కాపు సినిమాతో టాలీవుడ్ ఎంట్రీ ఇచ్చిన యంగ్ అండ్ టాలెంటెడ్ హీరో విరాట్ కర్ణ నటిస్తున్న తన రెండో సినిమానే “నాగ బంధం”. పాన్ ఇండియా నిర్మాతలు దేవాన్ష్ నామా అలాగే మధుసూధన రావు తెరకెక్కిస్తున్న ఈ సినిమా సాలిడ్ హిస్టారికల్ అండ్ ఫాంటసీ ఎలిమెంట్స్ తో గ్రాండ్ గా తెరకెక్కుతుంది.
ఇక ఈ సినిమాకి అభిషేక్ నామా దర్శకత్వం వహిస్తున్నారు. అయితే ఈ సినిమాకి ఏకంగా 10 కోట్ల ఖర్చుతో హైదరాబాద్ నానక్రామ్ గూడాలో రామానాయుడు స్టూడియోస్ లో గ్రాండ్ సెట్టింగ్ వేసినట్టు తెలుస్తుంది. మరి ఈ సెట్ వర్క్ ని సూపర్ స్టార్ మహేష్ బాబు నటించిన అర్జున్ సినిమాలో మధురై మీనాక్షి ఆలయం సెట్ ని కన్నులకి కట్టినట్టుగా వేసిన తోట ధరణి సారధ్యంలో ఈ గ్రాండ్ సెట్ ని చెక్కారట.
ఇది ఈ మధ్య కాలంలో జరిగిన బెస్ట్ సెట్ వర్క్ అని కూడా వినిపిస్తుంది. ప్రస్తుతం ఇందులో కీలక సన్నివేశాలు చిత్రీకరిస్తున్నారట. ఇక ఈ సినిమాలో నిధి అగర్వాల్ ఫీమేల్ లీడ్ లో నటిస్తుండగా అభే సంగీతం అందిస్తున్నారు. అలాగే త్వరలోనే సినిమా రిలీజ్ డేట్ ప్రకటించనున్నారు.
