టాలీవుడ్‌లో ‘బేబీ’ మూవీతో హిట్ పెయిర్‌గా అవతరించారు హీరో ఆనంద్ దేవరకొండ, అందాల భామ వైష్ణవి చైతన్య. ఇక వీరి కాంబినేషన్‌లో ఇప్పుడు మరో సినిమా మొదలైంది. ప్రముఖ ఓటీటీ ప్లాట్‌ఫామ్‌లో క్లాసిక్ హిట్‌గా నిలిచిన వెబ్ సిరీస్ #90s దర్శకుడు ఆదిత్య హాసన్ డైరెక్షన్‌లో ఆనంద్ దేవరకొండ, వైష్ణవి చైతన్య ముఖ్య పాత్రల్లో ఓ సినిమాను ఇటీవల అనౌన్స్ చేశారు.
ఇక తాజాగా ఈ చిత్రం రెగ్యులర్ షూటింగ్‌ను చిత్ర యూనిట్ ప్రారంభించారు. దీనికి సంబంధించి సెట్స్ ఫోటోలను మేకర్స్ సోషల్ మీడియాలో పోస్ట్ చేశారు. ఇక ఈ సినిమాలోని ప్రేమ కథ అందరికీ కనెక్ట్ అయ్యేలా ఉంటుందని చిత్ర యూనిట్ చెబుతోంది.
ఈ సినిమాను వీలైనంత త్వరగా షూటింగ్ ముగించేందుకు చిత్ర యూనిట్ ప్లాన్ చేస్తుంది. ఈ సినిమాకు హేషమ్ అబ్దుల్ వాహబ్ సంగీతం అందిస్తుండగా సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ సంయుక్తంగా ప్రొడ్యూస్ చేస్తున్నారు.
