స్టైలిష్ స్టార్ అల్లు అర్జున్ హీరోగా నటిస్తున్న యాక్షన్ ఎంటర్టైనర్ ‘రేసు గుర్రం’. థమన్ ఎంతో స్పెషల్ గా కంపోజ్ చేసిన ఈ పార్టీ సాంగ్ లో డాన్సులు అదిరిపోయేలా ఉండేలా ప్లాన్ చేస్తున్నారు. అందులో భాగంగానే కొద్ది రోజుల నుంచి డాన్స్ రిహార్సల్స్ చేస్తున్నారు. అల్లు అర్జున్ కూడా పాట చాలా బాగా రావాలని రోజూ ప్రాక్టీస్ చేస్తున్నారు. ‘డౌన్ డౌన్ డౌన్ డుప్ప’ అనే ఈ పాటని రేపటి నుంచి షూట్ చేయనున్నారు. ఇప్పటికే ఈ సినిమా టాకీ పార్ట్ పూర్తయ్యింది.
అల్లు అర్జున్ సరసన శృతి హాసన్, సలోని హీరోయిన్స్ గా నటిస్తున్న ఈ సినిమాలో కిక్ శ్యామ్ ఓ కీలక పాత్ర పోషిస్తున్నాడు. సురేందర్ రెడ్డి దర్శకత్వం వహిస్తున్న ఈ సినిమాని నల్లమలపు శ్రీనివాస్ – డా. కె వెంకటేశ్వరరావు కలిసి సంయుక్తంగా నిర్మిస్తున్నారు. మొదటిసారి బన్నికి థమన్ మ్యూజిక్ అందిస్తున్న ఈ మూవీ సమ్మర్లో ప్రేక్షకుల ముందుకు రానుంది.
