అల్లరి నరేష్ చాలా కాలం నుంచి హిట్ కోసం ఫైట్ చేస్తూ, గత కొన్నేళ్లుగా వరుస పరాజయాలతో సతమతవుతున్నాడు. కాగా నరేష్ చేస్తోన్న ప్రయోగాత్మక చిత్రం ‘నాంది’. తాజాగా ఈ సినిమా గురించి ఒక ఇంట్రస్టింగ్ అప్ డేట్ తెలిసింది. ఈ సినిమాని జీ5 ఓటీటీ సంస్థ పెద్ద మొత్తానికి కొనుగోలు చేసినట్టు వార్తలు వస్తున్నాయి. అయితే ఈ వార్తల్లో ఎంత నిజం ఉందనే విషయం ఇంకా తెలియాల్సి ఉంది. నిజానికి ఈ సినిమా షూటింగ్ ఇంకా పూర్తి కాలేదు. మరో పది రోజులు షూటింగ్ డేస్ బ్యాలెన్స్ ఉన్నాయట. ఆ పది రోజుల షూటింగ్ ను కూడా ఫినిష్ చేసి.. ఆ తరువాత ఈ సినిమాని జీ5లో రిలీజ్ చేయాలని మేకర్స్ సన్నాహాలు చేస్తున్నారు.
ఇక అల్లరి నరేష్ కూడా ఈ సినిమా పై బోలెడు ఆశలు పెట్టుకున్నాడు. అందుకే పోలీస్ స్టేషన్ సన్నివేశాల్లో పూర్తిగా నగ్నంగా కనిపించడానికి కూడా అంగీకరించాడు. విజయ్ కనకమేడల దర్శకత్వంలో రూపొందుతున్న ఈ సినిమా పై మొదటి నుండి మంచి అంచనాలు ఉన్నాయి. దానికి తగ్గట్టుగానే ఈ సినిమా టీజర్ కి కూడా విపరీతమైన స్పందన వచ్చింది. కెరీర్ లో ఎక్కువగా కామెడీ జానర్లో సినిమాలు చేసి తనకంటూ ఓ మిడియమ్ రేంజ్ మార్కెట్ సృష్టించుకున్న అల్లరి నరేష్.. కెరీర్ మొదట్లోనే నేను, ప్రాణం సినిమా లాంటి ఇంటెన్స్ చిత్రాలను కూడా చేశాడు. మరి ఇప్పుడు ఇలాంటి సినిమాతో నరేష్ ఎలా హిట్ కొట్టగలడో చూడాలి.