యువ సామ్రాట్ నాగ చైతన్య త్వరలో తమిళ సినీ పరిశ్రమలో అడుగుపెట్టడానికి త్వరలో రంగం సిద్ధం కానుంది. రాధా మోహన్ తీయబోయే ‘గౌరవం’ చిత్రంతో ఆయన తమిళంలో అడుగుపెట్టబోతున్నారు. ఈ చిత్రం అన్నపూర్ణ స్టూడియోస్ బ్యానర్ పై ఒకేసారి తెలుగు, తమిళ భాషల్లో అక్కినేని నాగార్జున గారు నిర్మిస్తారు. ఈ చిత్రంలో నాగార్జున అతిధి పాత్రలో నటిస్తారని ఫిలిం నగర్ వర్గాల సమాచారం. తమన్ సంగీతం అందిస్తారు. ప్రస్తుతం నాగ చైతన్య ‘ఆటో నగర్ సూర్య’ చిత్రంలో బిజీగా ఉన్నారు. దేవ కట్టా దర్శకత్వం వహిస్తున్న ఈ చిత్రం మంచి ఎంటర్టైనర్ అవుతుంది అని నాగార్జున గారు ఆశాభావం వ్యక్తం చేసారు. ఇటీవల చైతన్య నటించిన బెజవాడ, దడ చిత్రాలు పరాజయం పాలయ్యాయి అని కదా అని అడగగా వాటి అనుభవాల నుంచి పాటాలు నేర్చుకుంటాడు అని అన్నారు.