ప్రస్తుతం తెలుగు ఆడియెన్స్ ఆసక్తిగా ఎదురు చూస్తున్న అవైటెడ్ భారీ చిత్రమే “హరిహర వీరమల్లు”. పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా బాబీ డియోల్ విలన్ గా దర్శకులు జ్యోతి కృష్ణ, క్రిష్ లు తెరకెక్కించిన ఈ సినిమా నుంచి ఇటీవల వచ్చిన ట్రైలర్ మంచి రెస్పాన్స్ ని సొంతం చేసుకుంది. ఇక ట్రైలర్ తర్వాత మిగతా ఇంకొన్ని అప్డేట్స్ రావాల్సి ఉంది.
ఇలా నెక్స్ట్ సినిమా నుంచి ఓ సాంగ్ ని మేకర్స్ రిలీజ్ చేస్తున్నట్టుగా ఇప్పుడు బజ్ వినిపిస్తోంది. సంగీత దర్శకుడు కీరవాణి స్వరపరిచిన ఆల్బమ్ లో మొత్తం 6 పాటలకి పైగా ఉన్నట్టు చెప్పారు. వీటిలో నాలుగు ఇప్పుడుకే వచ్చాయి. ఇప్పుడు ఐదో సాంగ్ ని రిలీజ్ చేసేందుకు సన్నాహాలు చేస్తున్నారట. ఇక దీనిపై అధికారిక క్లారిటీ ఇంకా రావాల్సి ఉంది. ఇక ఈ చిత్రానికి ఏ ఎం రత్నం నిర్మాణం వహించగా ఈ జూలై 24న పాన్ ఇండియా లెవెల్లో గ్రాండ్ గా సినిమా విడుదల కాబోతుంది.