యువ టాలెంట్ ని ఎక్కడున్నా పసిగట్టే వాళ్ళలో సిద్దార్ధ్ ముందువరసలో ఉంటాడు. వేణు శ్రీరాం, పి జయేంద్ర, బాలాజీ మోహన్ మరియు నందినీ రెడ్డి వంటి దర్శకులను పరిచయం చేసిన తను ఇప్పుడు కార్తిక్ సుబ్బరాజ్ తో కలిసి పనిచెయ్యనున్నాడు. ఈ డైరెక్టర్ ఈ మధ్యే ‘పిజ్జా’ సినిమాతో విజయపు బాటలో ఉన్నాడు. ఈ సినిమా తమిళ్ లోనే కాక ఇక్కడ కుడా మంచి విజయం సాదించడంతో అతని ప్రతిభ నలుగురికీ తెలిసింది. ఇంకా పేరు ఖరారు చెయ్యని ఈ సినిమా కామెడీ కలగలిపిన క్రైమ్ థ్రిల్లర్ గా,తెలుగు తమిళ భాషల్లో మనముందుకు రానుంది. ఇదివరకు ధనుష్, తాప్సీ జంటగా నటించిన ‘ఆడుకలం’ సినిమాను నిర్మించిన కాతిరేసన్ ఈ సినిమాకి నిర్మాత. మిగిలిన చిత్ర వివరాలు త్వరలోనే వెల్లడిస్తారు.