“అరుంధతి” మరియు “దూకుడు” వంటి చిత్రాలతో మంచి పేరు సంపాదించుకున్న సోను సూద్ దాదాపుగా ఏడు సంవత్సరాల తరువాత నాగార్జునతో కలిసి చెయ్యనున్నారు. గతంలో “సూపర్ చిత్రంలో నాగార్జున స్నేహితుడిగా సోను సూద్ నటించారు. అప్పటి నుండి వీరు ఇదరు మంచి స్నేహితులయ్యారు ఆ చిత్రం తరువాత సోను సూద్ కి నాగార్జున తో నటించే అవకాశం లభించలేదు. తాజా సమాచారం ప్రకారం సోను సూద్ నాగార్జున “భాయ్” చిత్రంలో నటించనున్నారు. ఈ విషయం ఇంకా దృవీకరణ అవ్వలేదు కాని ఈ నటుడు ఈ చిత్రంలో నటించడానికి ఉత్సాహం చూపిస్తున్నట్టు తెలుస్తుంది. రిచా గంగోపాధ్యాయ్ ఈ చిత్రంలో కథానాయికగా నటిస్తుండగా వీరభద్రమ్ ఈ చిత్రానికి దర్శకత్వం వహిస్తున్నారు. ఈ చిత్రాన్ని అన్నపూర్ణ స్టూడియోస్ బ్యానర్ మీద నాగార్జున నిర్మిస్తున్నారు. దేవిశ్రీ సంగీతం అందిస్తుండగా ఈ చిత్రం వచ్చే ఏడాది చిత్రీకరణ మొదలు పెట్టుకోనుంది.