తమిళ సినిమా ‘ఖైదీ’ తెలుగులో ఎంతటి ఘన విజయాన్ని అందుకుందో అందరికీ తెలుసు. కార్తి హీరోగా ఈ చిత్రం మంచి కలెక్షన్స్ సాధించింది. మరి అజయ్ దేవగన్ హీరోగా హిందీలో రానున్న ఈ సినిమా ఏ రేంజ్ హిట్ ను సాధిస్తోందో చూడాలి. అయితే తాజాగా బాలీవుడ్ వర్గాల సమాచారం ప్రకారం ఈ హిందీ వెర్షన్ లో అజయ్ దేవగణ్ భార్య పాత్రను కూడా యాడ్ చేస్తున్నారట. ఆ పాత్రలో కరీనా కపూర్ నటించబోతుంది.
ఇక నవంబర్ నుండి ఈ రీమేక్ మూవీ షూటింగ్ ను మొదలుపెట్టాలని గ్యాప్ లేకుండా సింగిల్ షెడ్యూల్ లోనే ఖైదీని పూర్తి చేయాలని అజయ్ దేవగణ్ టార్గెట్ పెట్టుకున్నాడట. దాని కోసం సెట్స్ ను కూడా వేయబోతున్నారని తెలుస్తోంది. అన్నట్టు ఫాధర్, డాటర్ ఎమోషన్ మీదే నడిచిన ఈ చిత్ర కథ హిందీ ప్రేక్షకులకి కొత్త అనుభూతిని అందిస్తుందని భావించిన రిలయన్స్ ఎంటెర్టైన్మెంట్స్ సంస్థ ఈ చిత్రాన్ని భారీ స్థాయిలో నిర్మిస్తోంది. ఏమైనా ఈ మధ్య దక్షిణాది పరిశ్రమల సినిమాల పై ఆసక్తిగా ఉన్నారు బాలీవుడ్ నిర్మాతలు.