టాలీవుడ్ బాక్స్ ఆఫీసుపై డబ్బింగ్ సినిమాల దాడి

టాలీవుడ్ బాక్స్ ఆఫీసుపై డబ్బింగ్ సినిమాల దాడి

Published on Oct 4, 2012 4:00 PM IST


ప్రతి శుక్రవారం ఏదో ఒక పెద్ద సినిమాతో బాక్స్ ఆఫీసు వద్ద సందడి చేసే టాలీవుడ్ ఈ వారం మూగబోయింది. ఇదే అదును కావడంతో టాలీవుడ్ బాక్స్ ఆఫీసుపై మూడు డబ్బింగ్ సినిమాలు దాడి చేయనున్నాయి. అందులో మొదటగా దాదాపు 15 సంవత్సరాల తర్వాత ఇండియన్ ఎవర్గ్రీన్ బ్యూటీ శ్రీ దేవి ప్రధాన పాత్రలో నటించిన ‘ ఇంగ్లీష్ వింగ్లీష్’ చిత్రం వస్తుంది. చాలా కాలం తర్వాత శ్రీ దేవి నటించిన సినిమా కావడంతో ఈ సినిమా చూడటానికి ప్రేక్షకులు బాగానే ఆసక్తి చూపుతున్నారు. రెండవ సినిమాగా చెప్పుకోవాల్సింది విక్రమ్ మరియు అనుష్క జంటగా నటించిన ‘శివతాండవం’. ఈ చిత్రంలో విక్రమ్ అంధుడి పాత్ర చేయడం, జగపతి బాబు, అమీ జాక్సన్ మరియు లక్షీ రాయ్ ప్రధాన పాత్రలు పోషించడం వల్ల ఈ చిత్రానికి కూడా కొంత క్రేజ్ ఉంది. చివరిగా మూడవ సినిమా విషయానికొస్తే ‘రోజా పూలు’, ‘ఒకరికి ఒకరు’ చిత్రాల ద్వారా తెలుగు వారికి సుపరిచితుడైన శ్రీ రామ్ హీరోగా, పార్వతి మీనన్ హీరోయిన్ గా ‘మల్లి vs రవితేజ’ రేపు ప్రేక్షకుల ముందుకు రానుంది. ఈ చిత్రాలలో ఏ చిత్రం తెలుగు వారిని ఆకట్టుకుంటుందో? బాక్స్ ఆఫీసు వద్ద ఎన్ని కాసులు రాల్చుకుంటాయో? లేదో? చూద్దాం.

తాజా వార్తలు