శివాజీ గణేసన్ మనవడు అయిన విక్రం ప్రభు తెలుగులో “కుమ్కి” చిత్రంతో పరిచయం కానున్నారు. ఈ చిత్రానికి ప్రభు సోలోమన్ దర్శకత్వం వహించనున్నారు. గతంలో ఈయన “మైనా” అనే చిత్రానికి దర్శకత్వం వహించారు. ఈ చిత్రాన్ని తెలుగులోకి “ప్రేమ ఖైది” అన్న పేరుతో అనువదించారు. ఈ చిత్రంలో విక్రం ఒక ఏనుగుని పెంచుకునే పాత్రలో కనిపించనున్నారు ఈ ఏనుగు పేరు కుమ్కి. లక్ష్మి మీనన్ ఈ చిత్రంలో ప్రధాన పాత్రలు పోషిస్తున్నారు. ఈ చిత్రంలో చాలా భాగం కేరళ మరియు తమిళనాడులోని దట్టమయిన అడవుల్లో చిత్రీకరించారు ఈ చిత్రానికి సినిమాటోగ్రఫీ ప్రధాన ఆకర్షణ కానుంది. ఎన్ లింగుస్వామి ఈ చిత్ర తమిళ్ వెర్షన్ ని నిర్మించారు ఈ మధ్యనే ఈ చిత్ర దక్షిణాది డిస్ట్రిబ్యుషన్ హక్కులను స్టూడియో గ్రీన్ బ్యానర్ సొంతం చేసుకుంది. జ్ఞానవేల్ రాజ గతంలో “యుగానికి ఒక్కడు”, “అవార” మరియు “నా పేరు శివ” వంటి చిత్రాలను నిర్మించారు. ఇమాం సంగీతం అందించగా సుకుమార్ సినిమాటోగ్రఫీ అందించారు.