గబ్బర్ సింగ్ భారీ హిట్ సాధించిన తరువాత రెట్టించిన ఉత్సాహం మీద ఉన్న పవన్ కళ్యాణ్ అదే ఊపులో ‘కెమెరామెన్ గంగతో రాంబాబు’ షూటింగ్లో పాల్గొంటున్నాడు. ఇటీవలే పవన్, తమన్నాల మీద పద్మాలయ స్టూడియోలో ఒక పాట చిత్రీకరణ చేయగా నిన్నటితో ఆ పాట చిత్రీకరణ పూర్తయింది. ఈ రోజు విశ్రాంతి తీసుకుంటున్న పవన్ రేపటి నుండి మళ్లీ షూటింగ్ కి సిద్ధమవుతున్నాడు. అన్నపూర్ణ స్టూడియోలో ప్రత్యేకంగా వేసిన సెట్లో ఈ పాట చిత్రీకరించనున్నారు. ఈ పాటతో మొత్తం షూటింగ్ పూర్తవుతుంది. ప్రస్తుతం పోస్ట్ ప్రొడక్షన్ పనులు కూడా వేగంగా జరుపుకుంటుంది. మణిశర్మ సంగీతం అందించిన ఈ సినిమా ఆడియో సెప్టెంబర్ 24న అభిమానుల మధ్య భారీగా విడుదల చేయడానికి సన్నాహాలు చేస్తున్నారు. యూనివర్సల్ మీడియా బ్యానర్ పై డివివి దానయ్య నిర్మిస్తున్న ఈ సినిమా అక్టోబర్ 11న విడుదలకి సిద్ధమవుతుంది.