నీలకంఠ దర్శకత్వంలో రానున్న చిత్రంలో బ్రహ్మాజీ సరికొత్త అవతారంలో కనిపించబోతున్నాడు. దశాబ్ద కాలం పైగా ఎన్నో కామెడీ మరియు సీరియస్ పాత్రల్ని పోషించారు బ్రహ్మాజీ. వరుణ్ సందేశ్ హీరోగా రాబోతున్న చిత్రంలో బ్రహ్మాజీ వరుణ్ సందేశ్ కు తండ్రిగా కనిపించబోతున్నారు. నీలకంఠ ఈ పాత్ర కోసం బ్రహ్మాజీని ఒప్పించినట్లు సమాచారం. ఇప్పటికే షూటింగ్ ప్రారంభం అయిన ఈ చిత్రాన్ని డీఎస్ రావు నిర్మిస్తున్నారు. ఇదిలా ఉండగా ప్రస్తుతం నీలకంఠ గోవాలో జరుగుతున్న అంతర్జాతీయ చలన చిత్రోత్సవంలో విరోధి చిత్రాన్ని రదర్శించనున్నారు. ఈ చిత్రం ఇండియన్ పనోరమ విభాగంలో ప్రదర్శితం కానుంది.