రైజింగ్ హీరో నానికి యూత్ ఫుల్ మరియు క్లాస్ హీరో అనే ఇమేజ్ ఉంది. దానికి భిన్నంగా నాని తన కెరీర్లో మొదటి సారిగా తన రాబోయే ‘జెండాపై కపిరాజు’ సినిమాలో అవుట్ అండ్ అవుట్ మాస్ లుక్ లో కనిపించనున్నాడు. ఈ సినిమాలో నాని ద్విపాత్రాభినయం చేస్తున్నాడు. అందులో ఒకటి అరవింద్ శివ కృష్ణ పాత్ర అయితే, రెండవది మయ కన్నన్.
జెండాపై కపిరాజు సినిమాలో తన రెండు పాత్రలకి సంబందించిన రెండు పోస్టర్స్ ని నాని ఈ రోజు రిలీజ్ చేసాడు. ఈ రెండింటిలో మయ కన్నన్ పాత్రలోని నాని మాస్ లుక్ కి సోషల్ నెట్వర్క్స్ నుంచి సూపర్బ్ రెస్పాన్స్ వస్తోంది. ఈ సినిమా షూటింగ్ చివరి దశలో ఉంది. అమలా పాల్ హీరోయిన్ గా నటిస్తున్న ఈ సినిమాకి సముద్రఖని డైరెక్టర్.
జివి ప్రకాష్ కుమార్ సంగీతం అందిస్తున్న ఈ సినిమాకి కెఎస్ శ్రీనివాసన్ నిర్మాత. నాని ఈ సినిమాతో ఎంతోకాలంగా ఎదురు చూస్తున్న మాస్ హిట్ కొడతాడంటారా? మయ కన్నన్ పాత్ర తనలోని మాస్ యాంగిల్ ని చూపించడానికి నానికి సరైన అవకాశం. సినిమా ఎలాంటి ఫలితాన్ని ఇస్తుంది అనేదాని కోసం కొద్ది రోజులు వేచి చూడాల్సిందే..
