హీరో సుధీర్ బాబు కెరీర్‌లో భారీ బడ్జెట్ మూవీగా తెరకెక్కుతున్న చిత్రం ‘జటాధర’. ఈ సినిమాను వెంకట్ కళ్యాణ్ డైరెక్ట్ చేస్తున్నాడు. ఇక ఈ సినిమా నుంచి ఇప్పటికే రిలీజ్ అయిన ఫస్ట్ లుక్ పోస్టర్స్ ప్రేక్షకుల్లో ఈ సినిమాపై మంచి బజ్ క్రియేట్ చేశాయి. అయితే, ఈ సినిమా నుంచి సాలిడ్ అప్డేట్ ఇచ్చేందుకు చిత్ర యూనిట్ రెడీ అయ్యింది.
‘జటాధర’ మూవీకి సంబంధించిన ఈ ట్రీట్‌ను మార్చి 8న ఉదయం 11 గంటలకు అందించబోతున్నట్లు చిత్ర యూనిట్ తెలిపింది. మహిళా దినోత్సవం రోజున ఈ అప్డేట్ వస్తుండటంతో ఈ మూవీకి సంబంధించిన హీరోయిన్‌ను పరిచయం చేస్తారనే టాక్ సినీ సర్కిల్స్‌లో జోరుగా చక్కర్లు కొడుతుంది.
ఇక ఈ సినిమాలో బాలీవుడ్ బ్యూటీ సోనాక్షి సిన్హా టాలీవుడ్ ఎంట్రీ ఇవ్వబోతుందనే వార్త సినీ సర్కిల్స్‌లో వైరల్ అయ్యింది. మరి మార్చి 8న రానున్న ‘జటాధర’ ట్రీట్ ఏమిటో తెలియాలంటే రేపు ఉదయం 11 గంటల వరకు వెయిట్ చేయాల్సిందే.
