‘అయినను పోయి రావలె హస్తినకు’ అంటూ జూనియర్ ఎన్టీఆర్ తో త్రివిక్రమ్ తన తర్వాతి సినిమాని పాన్ ఇండియా రేంజ్ లో ప్లాన్ చేయబోతున్న సంగతి తెలిసిందే. అయితే ఈ సినిమా కోసం భిన్నమైన రాజకీయ నేపథ్యం ఎంచుకున్నారట. సినిమాలో రాజకీయాలతో పాటు ఓ సామాజిక అంశాన్ని కూడా ప్రధానంగా ప్రస్తావించబోతున్నట్లు తెలుస్తోంది.
ఇక ఈ చిత్రంలో బాలీవుడ్ స్టార్ సంజయ్ దత్ కోసం త్రివిక్రమ్ ఓ కీలక పాత్రను రాస్తున్నాడని.. అది పక్కా రాజకీయ నాయకుడి పాత్ర అని ఇలా ఓ రూమర్ వచ్చింది. ఆయితే దానిలో ఎలాంటి నిజం లేదని తెలుస్తోంది. ఈ సినిమాకి మరో టైటిల్ పెట్టాలని చూస్తున్నారట. పాన్ ఇండియా రేంజ్ లో ఈ సినిమాని ప్లాన్ చేస్తుండటంతో.. టైటిల్ అన్ని భాషల్లో ఈజీగా రీచ్ అవ్వాలంటే.. అచ్చ తెలుగు టైటిల్ కాకుండా.. ఏ ఆర్ఆర్ఆర్ లాగానో అన్ని భాషల వాళ్లకు అర్ధం అయ్యేలా ఒకే టైటిల్ పెడితే బాగుంటుందని మేకర్స్ ఫీల్ అవుతున్నారు.
ఈ సినిమాలో హీరోయిన్ గా బాలీవుడ్ యంగ్ బ్యూటీ జాన్వీ కపూర్ ను తీసుకోవాలనే ఆలోచనలో ఉంది చిత్రబృందం. కాగా హారికా హాసిని క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తోన్న ఈ చిత్రం షూటింగ్ ఎప్పుడు మొదలుకానుందా అని ఫ్యాన్స్ ఆసక్తిగా ఎదురుచూస్తున్నారు.
