ప్రముఖ దర్శకుడు వెట్రిమారన్ ఇటీవల తన ప్రొడక్షన్ హౌస్ గ్రాస్ రూట్ ఫిల్మ్ కంపెనీ మూసివేస్తున్నట్టు ప్రకటించి అందరిని ఆశ్చర్యానికి గురి చేశారు. ప్రస్తుతం ఆయన హీరో శింబుతో కలిసి #STR49 పనుల్లో బిజీగా ఉన్నారు. ఈ చిత్రానికి సంబంధించిన స్పెషల్ ప్రోమోను శింబుతో కలిసి షూట్ చేయగా, అది అక్టోబర్ 4న విడుదల కానుంది.
తాజా సమాచారం ప్రకారం, ఈ చిత్రానికి సంగీత దర్శకుడిగా అనిరుధ్ రవిచందర్‌ను ఎంపిక చేసినట్టు తమిళ సినీ వర్గాల్లో టాక్ వినిపిస్తోంది. ఇప్పటివరకు వెట్రిమారన్ ఎక్కువగా జి.వి.ప్రకాష్ కుమార్‌తోనే పనిచేశారు. అయితే ఈసారి శింబు హీరోగా వస్తున్న ఈ సినిమాతో కొత్త కాంబినేషన్ ప్రయత్నిస్తున్నట్టు తెలుస్తోంది.
ఇక ఈ సినిమా శిలంబరసన్ – అనిరుధ్ కాంబినేషన్‌లో కూడా మొదటి చిత్రం కానుంది. గతంలో ఈ సినిమా ‘వడా చెన్నై 2’ అని ప్రచారం జరిగినా, వెట్రిమారన్ ఆ రూమర్స్‌ను ఖండించారు. #STR49 పూర్తయిన తర్వాత ఆయన ‘వడా చెన్నై 2’పై దృష్టి సారించనున్నట్లు తమిళ మీడియాలో వార్తలు వినిపిస్తున్నాయి.