తమిళ సూపర్ స్టార్ రజినీకాంత్ నటిస్తున్న లేటెస్ట్ మూవీ ‘కూలీ’ కోసం ప్రేక్షకులు ఎంత ఆసక్తిగా ఎదురుచూస్తున్నారో అందరికీ తెలిసిందే. ఈ సినిమాను దర్శకుడు లోకేశ్ కనగరాజ్ డైరెక్ట్ చేస్తుండగా పూర్తి మాస్ యాక్షన్ ఎంటర్‌టైనర్‌గా ఈ మూవీ ప్రేక్షకులను అలరించనుంది. ఇక ఈ సినిమాకు సంబంధించి రోజుకో వార్త సినీ సర్కిల్స్‌లో జోరుగా చక్కర్లు కొడుతోంది.
ఈ సినిమాలో అక్కినేని నాగార్జున, ఉపేంద్ర కీలక పాత్రల్లో నటిస్తున్న సంగతి తెలిసిందే. ఇక మరో స్టార్ హీరో అమీర్ ఖాన్ కూడా ఈ సినిమాలో ఓ పవర్‌ఫుల్ కేమియో పాత్రలో నటిస్తున్నాడు. ఇక ఈ సినిమాలో ఆయన పాత్ర ప్రేక్షకులను స్టన్ చేయడం ఖాయమని చిత్ర యూనిట్ చెబుతోంది. కాగా, ఈ సినిమాలో అమీర్ ఖాన్ కనిపించేది దాదాపు 8 నిమిషాలు అని తెలుస్తోంది.
ఇంత తక్కువ సమయం అయినా, కూడా ఆయన చేయబోయే ఇంపాక్ట్ ఎక్కువకాలం ఉంటుందని చిత్ర వర్గాలు చెబుతున్నాయి. మరి అమీర్ ఖాన్ కూలీతో చేయబోయే ఇంపాక్ట్ ఎలా ఉంటుందో తెలియాలంటే ఆగస్టు 14 వరకు వెయిట్ చేయాల్సిందే.