స్టార్ డైరెక్టర్ సురేందర్ రెడ్డి దర్శకత్వంలో అక్కినేని అఖిల్ నటిస్తున్నారని, లేదూ రెబల్ స్టార్ ప్రభాస్ నటిస్తున్నారని ఇటివలే సోషల్ మీడియాలో వార్తలు వచ్చాయి. కాగా తాజాగా తన తరువాత సినిమాని అల్లు అర్జున్ తో చేస్తున్నాడని ఈ సినిమా వచ్చే ఏడాది ఉంటుందని… పైగా ఈ చిత్రాన్ని ఓ ప్రముఖ నిర్మాత నిర్మించనున్నారని తెలుస్తోంది. అయితే ఈ వార్తకు సంబంధించి ఇంకా ఎటువంటి అధికారిక ప్రకటన రాలేదు.
కానీ సురేందర్ రెడ్డి మాత్రం ఇప్పటికే బన్నీ కోసం ఓ స్క్రిప్టు సిద్ధం చేస్తోన్నాడట. ఓ స్టైలిష్ ఎంటర్‌టైనర్‌ గా ఈ సినిమా ఉండనుందని.. ముఖ్యంగా అల్లు అర్జున్ కు సరిపడే స్టోరీతో సురేందర్ రెడ్డి ఈ సినిమాని భారీ స్థాయిలో ప్లాన్ చేస్తున్నాడని ఫిల్మ్ సర్కిల్స్ లో వినిపిస్తోంది. మరి సురేందర్ రెడ్డి – బన్నీ కలయిక పై క్లారటీ వచ్చేదాకా ఆగాల్సిందే.
ఇక మెగాస్టార్ తో భారీ సినిమా ‘సైరా’ తీసి మంచి పేరు తెచ్చుకున్నా.. సురేందర్ రెడ్డికీ ఆ సినిమా పెద్దగా కలిసిరాలేదు. సినిమా రిలీజ్ చాల కాలం అయినా ఇంతవరకూ ఏ స్టార్ హీరో ఆయనకు పిలిచి అవకాశం ఇచ్చినట్లు వార్తలు అయితే రాలేదు.