తారక రత్న హీరోగా కొత్త చిత్రం ‘విజేత’ డిసెంబర్లో ప్రేక్షకుల ముందుకు రానుంది. పి. ఉదయ భాస్కర్ దర్శకత్వం వహిస్తున్న ఈ సినిమాని తుమ్మలపల్లి రామ సత్యనారాయణ నిర్మిస్తున్నారు. ఈ చిత్ర కథాంశం గురించి తారక రత్న మాట్లాడుతూ ‘ ఈ సినిమాలో అందరినీ తన మనుషులు అనుకునే స్వభావం కలిగిన ఒక యంగ్ మాన్ పాత్రని పోషించాను. అలాంటి అతనికి అందరికీ దూరంగా వెళ్ళాల్సిన ఓ సందర్భం వస్తుంది. అతనికి వచ్చిన సమస్యలని ఎదుర్కొని చివరికి ఎలా విజేత అయ్యాడన్నదే ఈ చిత్ర కథాంశం’ అని అన్నారు. శ్వేతా బసు ప్రసాద్ మరియు రచనా మౌర్య హీరోయిన్లుగా నటిస్తున్న ఈ చిత్రంలో కృష్ణుడు, వైజాగ్ ప్రసాద్, సన మరియు తదితరులు ప్రధాన పాత్రల్లో నటిస్తున్నారు. ఇప్పటివరకూ బాక్స్ ఆఫీస్ వద్ద ఒక్క విజయాన్ని కూడా అందుకోని తారకరత్న ఈ సినిమా అయినా అతని లక్ మార్చి విజయాన్ని అందిస్తుందేమో? వేచి చూడాలి మరి.