బాలీవుడ్ బాలయ్య సన్నీ డియోల్ హీరోగా రణదీప్ హూడా అలాగే రెజీనా నెగిటివ్ పాత్రల్లో మన టాలీవుడ్ దర్శకుడు గోపీచంద్ మలినేని తెరకెక్కిస్తున్న సాలిడ్ మాస్ మసాలా యాక్షన్ చిత్రం “జాట్”. సన్నీ డియోల్ ఫ్యాన్స్ కి మాస్ ఫీస్ట్ ఇచ్చిన ఈ చిత్రం రీసెంట్ గానే దిగ్గజ స్ట్రీమింగ్ యాప్ నెట్ ఫ్లిక్స్ లో అందుబాటులోకి వచ్చింది. హిందీ సహా తెలుగులో కూడా వచ్చిన ఈ సినిమా ప్రస్తుతం ఇందులో అదరగొడుతుంది.
ఒక్క ఇండియా వైడ్ గానే కాకుండా గ్లోబల్ లెవెల్లో కూడా ట్రెండింగ్ లో నిలిచి దూసుకెళ్తుంది అని నెట్ ఫ్లిక్స్ వారు చెబుతున్నారు. నాన్ ఇంగ్లీష్ సినిమాల జాబితాలో వరల్డ్ వైడ్ గా టాప్ 4 లో ట్రెండ్ అవుతుండగా టాప్ 10 లో అయితే మొత్తం 17 దేశాల్లో ట్రెండింగ్ లో ఉందట. ఇలా మొత్తానికి ఓటిటిలోకి వచ్చాక కూడా జాట్ మంచి రెస్పాన్స్ ని అందుకుంటుంది అని చెప్పవచ్చు. ఇక ఈ సినిమాకి థమన్ సంగీతం అందించగా మైత్రి మూవీ మేకర్స్, పీపుల్ మీడియా ఫ్యాక్టరీ వారు నిర్మాణం వహించారు.
